کرد جنگجوؤں کے حملےمیں 50ایرانی فوجی ہلاک

تہران(ریپبلکن نیوز) ترکی اور عراق کی سرحد سے متصل پہاڑی علاقوں میں کرد جنگجوؤں کے ساتھ تصادم میں 50 ایرانی فوجی ہلاک ہو گئے، عرب ٹی وی کے مطابق ایرانی پاسداران انقلاب کے ترجمان اور شعبہ تعلقات عامہ کے سربراہ جنرل رمضان شریف نے ایک بیان میں کہا کہ قندیل اور جاسوسان نامی پہاڑی علاقوں میں کرد جنگجوؤں کے حملوں میں ایرانی ایلیٹ فورس کے 50 اہلکار ہلاک ہوگئے۔ جنرل رمضان شریف نے بیان میں کہا کہ عراق اور ترکی کی سرحد سے متصل علاقوں کرد عسکری پسندوں کے ساتھ خون ریزی جھڑپیں حالیہ ایام میں ہوئی ہیں جن میں دونوں طرف بھاری جانی نقصان ہوا۔ کردوں اور ایرانی فوج کے درمیان تازہ خون ریزی ایک ایسے وقت میں ہوئی ہے جب دوسری جانب پاسداران انقلاب اور صدر حسن روحانی کے درمیان اختلافات کی افواہیں بھی پھیلی ہوئی ہیں۔ خیال رہے جبال قندیل اور جاسوسان ایران، ترکی اور عراق تینوں ملکوں کی سرحد پر واقع ہیں۔ ان علاقوں میں کرد عسکریت پسند گروپ سرگرم ہیں جو ترکی اور ایران دونوں میں عسکری کارروائیاں کرتے ہیں۔ کردستان ڈیموکریٹک پارٹی کے رہ نماؤں نے بات کرتے ہوئے کہا کہ کردوں نے 23 سال تک اپنے جائز حقوق اور مطالبات کے لیے پرامن جدو جہد کی ہے۔ مگر پرامن جد وجہد کے نیتجے میں ایرانی حکومت نے ان کاکوئی مطالبہ تسلیم نہیں کیا۔ اب انہوں نے مجبورا ایران کے خلاف ہتھیار اٹھائے ہیں۔

مزید خبریں اسی بارے میں

Close

Adblock Detected

Please consider supporting us by disabling your ad blocker