آسیہ بی بی کجا انت؟

کوئٹہ (ریپبلکن نیوز) بلوچ وتا ساڈائیت او گشیت کہ ما چہ بُنءُ ازلءَ گیرتی، شرپمند او میار جلّیں راجیں کہ سراں پہ ننگاں دیاں، بلئے آسیہ بی بیءَ هوار دگہ بازیں بلوچ زالبول پاکستانی زنداناں بند اَنت، لج پامال انت، آیانی گوما باریں چُنت وڈ وڈیں زوراکی بیت کہ پہ بلوچءِ دیمءَ چو شہمات آں۔

میار جلّی وتی جاهءَ، وتی جندءِ لوگءِ زالبول پاکستانءِ دستءَ هوار جنْگ بوهگءَ انت۔ گیرتی ناز کنوکیں مرد آجوئیں دوستیں سنگتانی هلاپءَ ناره جنْگءَ َانت۔هما سنگت کہ آ پہ لجّانی رکّینگءَ گوں همبلاں هر روچیگیں مرگءُ زندءِ توکءَ ساه زورگءَ انت، سراں ندر کنگءَ انت۔

ڈاکٹر شازیہ خالد یک سندهی زالبولے ات، چہ ڈیره بگٹیءَ پاکستانءَ هوار جت، بلئے آ بلوچانی میار ات۔ شازیہءِ پاکستانی اسٹبلشمنٹءِ دستءَ هوار جنْگ پہ کل بلوچاں مرگءِ پیمءَ ات کہ بلوچ وتی میار جلّیءَ ناز کنت، بگٹی آں پاکستانءِ اے بدیں ِکرد پہ وتی بلوچی نامءَ شاتک نہ بوت او سالونکیں سر ندر کُت آں۔

وهدے کہ نواب اکبر بگٹیءَ جُست کنگ بیت شازیہ یک سندهی زالبولے، تو پہ سندهیءَ پرچی جنگ کنگ لوٹءِ؟ اکبر بگٹیءَ پسُو دات کہ اے یک انسان ے او پدا بلوچ سرڈگارءَ تو هوار جتگ، اے منی میار انت او پہ میارءَ هزار بگٹی قربان۔

بلوچءِ جنز برجاه انت پہ لجّانی رکّینگءَ اے پاکستانی زوراکی داں هما وهدءَ برجاه انت داں ما کُل بلوچستانءِ وت واجهیءَ یک مُشت مہ بیں۔
زیت کنئے کہ انگت ایں۔بلوچستان آجو بات۔۔۔

نبشتہ کار: بابا بلوچستانی

مزید خبریں اسی بارے میں

Back to top button